((((بسم الله الرحمن الرحيم))))
السلام عليكم ورحمة الله وبركاته
كيفكم شباب .. :P
هذا الموضوع طويل بعض الشيئ .. ولاكنه يشمل قصائد جميله وأكثر من رائعه .. من الشاعر المبدع
:((ناصر الفهيد)):
بدون ما أطول عليكم .. أبدا باسم الله
قصيدة بعنوان ياجر :
ياجر قلبـي جـر لـدن الغصونـي
وغصون سدر جرها السيل جرا
وأهله من أول بالـورق يورقونـي
على غدير تحتـه المـا يقـرا
على الـذي مشيـه تخـط بهونـي
والعصر من بين الفريقين مرا
لا والله اللي بالهـوى هوجرونـي
هجر بها الحيلات عيت تسـرا
لامبـعـد عنـهـم ولاقربـونـي
ولاعايف منهم ولانـي مـورا
وأكثر عذاب القلب يـوم سنحونـي
بيح بصبري لو بغيـت اتـدرا
لاضاق صدري قمت اباري الضعوني
كني غريب بالدلوهـة مضـرا
وقلبي عليه اشفق وتبكي عيونـي
والحال من ود الحبيـب تبـرا
ياعزتا لي مـن تفـرق شطونـي
يعزا لي ارمي بالسلب واتعـرا
ان مت فـي خـد بعيـد انقلونـي
على هدي الزمل مشيـه تـدرا
ان مت في دافي حشـاه ادفنونـي
في مستكن الروح ماهوب بـرا
بين النهـود وقـدّ روس القرونـي
عن الهبايـب مستكـن مـذرا
ياليتهـم بالحـب مـا ولعـونـي
كان ابعدوا عني بخير وشـرا
ولا انهـم يـوم انهـم قربـونـي
خلوني اقضي حاجتي واتـدرا
وياليتهم في الـدرب ماواجهونـي
وياليتهم مازادوا الحـر حـرا
وياليتهم عـن حاجتـي سايلونـي
يون اني اقعد عندهم واتحـرا
الخد بـرق فـي علـو المزونـي
تقول براق من الصيـف سـرا
وقفـت عنـده شابحـات عيونـي
كني غريـر باللهاوي مضـرا
-------------------------------------------------------------------القصيدة الثانيه بعنوان حياالله .
حيـا الله الـلـي يغـيـب ويـسـرع الــردّه
الـلـي يجيـنـي الا مـنــه تبـاطـانـي
قـلــب يـــوده وحـالــي كـنـهــا الــقــدّه
ودّي بشوفه ودونـه حـوم عقبانـي
ياصاحبـي جـارك الله ويــش هالـصـدّه
مـهـوب حــق تولعـنـي وتنـسـانـي
ان كان عنـدك حكـى بـي خامـل السـده
فأنت المصدق وأنا حقي وما جاني
أهـرج علـى مـا تــورّى والبـخـت بــده
لا تستـحـي يابـعـد حـيـي وحيـانـي
تــرى طــراة الـهـوى لاطـالــت الـمــده
مهوب يـوم صديـق ويـوم قومانـي
وإن كان ما أنتب مصافيني على الشده
وقـت الرخـا واجـد ربعـي وخلانـي
-------------------------------------------------------------------القصيدة الثالثة بعنوان يبه .
يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟
تبي تدري عن احبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
يبه امي تخيلك دوم..
تغني لك مع القمرا..
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..
مراعيها .. يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكرى..
وعيا لايجي بكرى
يبه تذكر زمان مر؟؟
لاقالو عمر؟؟
هو احلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك
-------------------------------------------------------------------
والباقي يتبع في موضوع اخر ان شاء الله..
حبيب الكل ..
BLACK
الإثنين يونيو 02, 2008 9:00 am
